சேலம், செப்.9: சேலம் மத்திய மாவட்ட திமுக சார்பில், மறைந்த தலைவர் கருணாநிதிக்கு புகழ் வணக்க கூட்டம் நாளை மாலை நடக்கிறது. தமிழக முன்னாள் முதல்வரும், திமுக தலைவருமான கருணாநிதி கடந்த மாதம் 7ம் தேதி உயிரிழந்தார். அவரது மறைவை தொடர்ந்து, கருணாநிதிக்கு புகழ் சேர்க்கும் வகையில், மாநிலம் முழுவதும் திமுக சார்பில் புகழ் வணக்க கூட்டங்கள் நடத்தப்பட்டு வருகின்றன. அதன்படி, சேலம் மத்திய மாவட்ட திமுக சார்பில் நாளை (10ம் தேதி) மாலை 4 மணிக்கு புகழ் வணக்க கூட்டம் நடக்கிறது. சேலம் தெய்வீகம் திருமண மண்டபத்தில் நடக்கும் நிகழ்ச்சிக்கு, மத்திய மாவட்ட செயலாளர் ராஜேந்திரன் எம்எல்ஏ தலைமை வகிக்கிறார்.