சிட்னி: இலங்கை அணிக்கு எதிரான டி20 தொடரில் விளையாட உள்ள ஆஸ்திரேலிய அணியில் தொடக்க வீரர் டேவிட் வார்னர் மற்றும் ஆல் ரவுண்டர் மிட்செல் மார்ஷுக்கு ஓய்வளிக்கப்பட்டுள்ளது. அடுத்த மாதம் ஆஸ்திரேலியாவில் சுற்றுப்பயணம் மேற்கொள்ளும் இலங்கை அணி, 5 போட்டிகள் கொண்ட டி20 தொடரில் விளையாட உள்ளது. இந்த தொடருக்கான ஆஸி. அணி நேற்று அறிவிக்கப்பட்டது. ஆரோன் பிஞ்ச் தலைமையில் மொத்தம் 16 வீரர்கள் அடங்கிய அணியில் வார்னர், மிட்செல் மார்ஷ் இருவருக்கும் ஓய்வளிக்கப்பட்டுள்ளது. ஜஸ்டின் லேங்கர் விடுப்பில் சென்றுள்ளதால், அவருக்கு பதிலாக ஆண்ட்ரூ மெக்டொனால்டு தலைமை பயிற்சியாளராக செயல்பட உள்ளார்.