சென்னை: சென்னையில் 22 கேரட் ஆபரணத் தங்கத்தின் விலை சவரனுக்கு ரூ.320 குறைந்துள்ளது. சென்னையில் தங்கம் விலை கடந்த 2 வாரங்களுக்கு மேலாக ரூ.36 ஆயிரத்திலேயே நீடித்து வந்தது. பெரிதளவில் மாற்றங்கள் இல்லையெனினும் ஓரிரு நாட்கள் குறைந்தால், அடுத்தடுத்த நாட்களில் தங்கம் விலை உயரக்கூடிய நிலையில் உள்ளது. ஊரடங்கு அமலில் இருந்தாலும் தேவை குறைவாக இருந்தாலும் தங்கம் விலையில் சரிவு ஏற்படவே இல்லை. மேலும் அதன் மீதான மோகவும் மக்களுக்கு குறைந்தபாடில்லை. நேற்று முன்தினம் ரூ.36,352க்கு விற்கப்பட்டு வந்த தங்கம் விலை நேற்று ரூ.36,240 ஆக குறைந்தது. இதைத் தொடர்ந்து, இன்று மீண்டும் தங்கம் விலை குறைந்துள்ளது சற்று ஆறுதல் தரும் விதமாக பார்க்கப்படுகிறது.