புதுச்சேரி: புதுச்சேரியில் காங்கிரஸ் கட்சியில் இருந்து வெளியேறி புதுச்சேரி முன்னாள் முதல்வரும், என்.ஆர்.காங்கிரஸ் கட்சியின் தலைவருமான ரங்கசாமி முன்னிலையில் என்.ஆர்.காங்கிரஸ் கட்சியில் லட்சுமி நாராயணன் இணைந்தார். காங்கிரஸ் கட்சியில் அதிருப்தியில் இருந்த லட்சுமி நாராயணன், தமது எம்.எல்.ஏ பதவியை சமீபத்தில் ராஜினாமா செய்தார். காங்கிரஸ், திமுக கூட்டணி ஆட்சியில் புதுச்சேரியில் மக்கள் நலத்திட்டங்கள் செயல்படுத்தப்படவில்லை என லட்சுமி நாராயணன் குற்றம் சாட்டினார். கடந்த வாரம் அவையில் நம்பிக்கை வாக்கெடுப்பு கோரவிருந்த நிலையில் காங்கிரஸ் எம்.எல்.ஏ.வும், முதலமைச்சரின் பாராளுமன்ற செயலாளருமாக இருந்த லட்சுமி நாராயணன் திடீரென்று தனது பதவியை ராஜினாமா செய்தார்.