பொன்னேரி: பொன்னேரி அடுத்த கள்ளூர் கிராமத்தில் 300 ஏக்கர் பரப்பில் நெல் பயிரிடப்பட்டிருந்தது. கும்மிடிப்பூண்டி பகுதியில் இருந்து வரும் மழைநீர் கால்வாய் கள்ளூர் கிராமத்தின் அருகில் உள்ள பழவேற்காடு உவர்ப்பு நீர் ஏரியில் சென்று முடிகிறது. மழை காலங்களில் பல்வேறு பகுதிகளில் இருந்து வெளியேறும் மழைநீர் ஆரம்பாக்கம், மாங்கோடு பகுதி வழியாக பழவேற்காடு ஏரி மூலம் கடலில் கலக்கிறது. பழவேற்காடு ஏரியிலும் கடல்நீர் பல்வேறு பகுதிகளின் கால்வாய் மற்றும் ஆறுகள் மூலம் நீர்வரத்து அதிகரித்துள்ளது.இந்நிலையில், ஏரியில் உள்ள கடல்நீர் அதே கால்வாய் வழியாக பின் நோக்கி கள்ளூர் கிராமத்தினுள் புகுந்து விளைநிலங்களை சூழ்ந்து நெற்பயிர்களை மூழ்கடித்துள்ளது.