துமகூரு: வீட்டில் பதுக்கிவைத்திருந்த 30 லட்சம் மதிப்பிலான கஞ்சாவை போலீசார் பறிமுதல் செய்து ஒருவரை கைது செய்தனர்.துமகூரு நகரம் திலக்பார்க் போலீஸ் எல்லைக்கு உட்பட்ட பி.எச்.காலனியில் சிலர் வீட்டில் கஞ்சா பதுக்கி வைத்து விற்பனை செய்து வருவதாக போலீசாருக்கு ரகசிய தகவல் கிடைத்தது. தகவலறிந்த போலீசார் மாவட்ட எஸ்.பி. வம்சிகிருஷ்ணா உத்தரவின் பேரில் தனிப்படை அமைத்து சம்பவ இடத்துக்கு வந்து ரகசியமாக கண்காணித்தனர்.