ரோம் : உலகம் முழுவதும் கொரோனா வைரஸ் தொற்றால் உயிரிழந்தவர்களின் எண்ணிக்கை 43000-த்தை தாண்டி உள்ளது. உலகளவில் கொரோனாவால் 8,72,792 பேர் பாதிக்கப்பட்ட நிலையில்,43,271 பேர் உயிரிழந்துள்ளனர். மேலும் 1,84,526 பேர் குணமடைந்துள்ளனர். உலக அளவில் பார்த்தால் இத்தாலி , ஸ்பெயின், அமெரிக்கா, பிரான்ஸ், பிரிட்டன் உள்ளிட்ட நாடுகளில் நேற்று உயிரிழப்புகள் மிக அதிகமாக இருந்தது.

*உலகிலேயே மிக அதிகபட்சமாக இத்தாலியில் 12,428 பேர் உயிரிழந்துள்ளனர். அங்கு கொரோனாவால் 1,05,792 பேர் பாதிக்கப்பட்டுள்ளனர். நேற்று ஒரு நாளில் இத்தாலியில் 837 பேர் உயிரிழந்துள்ளனர்.

*அமெரிக்காவில் இதுவரை 4,056 பேர் இறந்துள்ளனர். அமெரிக்காவில் கொரோனா வைரசால் ஒரே நாளில் 865 பேர் உயிரிந்துள்ள நிலையில் அங்கு பாதிக்கப்பட்டோர் எண்ணிக்கை 188,592 ஆக உயர்ந்துள்ளது.

* சீனாவில் கொரோனா தொற்றுக்கு 3,312 பேர் உயிரிழந்துள்ள நிலையில், 81,554 பேருக்கு பாதிப்பு ஏற்பட்டுள்ளது.

*ஸ்பெயினிலும் பலியானோர் எண்ணிக்கை 10,000 நெருங்கி வருகிறது. அங்கு பாதித்தோர் எண்ணிக்கை 102,136 ஆகவும் உயிரிழந்தோர் எண்ணிக்கை 9,053 ஆகவும் உள்ளது.

*இதே போல் கொரோனா தொற்றுக்கு பிரான்சில் 3,523 பேரும்,ஈரானில் 3,036 பேரும்,ஐரோப்பியாவில் 1,789 பேரும் உயிரிழந்துள்ளனர்.

*இந்தியாவிலும் தற்போது பெரும் பாதிப்பை ஏற்படுத்தி வருகிறது. கடந்த 3 நாட்களாக பாதிக்கப்பட்டவர்களின் எண்ணிக்கை இந்தியாவில் 400க்கும் மேல் சென்றுள்ளது. இந்த நிலையில் தற்போது கொரோனாவால் பாதிக்கப்பட்டவர்களின் எண்ணிக்கை 1637 ஆக உயர்ந்துள்ளதாக மத்திய சுகாதாரத்துறை தெரிவித்துள்ளது. இதில் 38 பேர் பலியான நிலையில், 132 பேர் குணமடைந்து வீடு திரும்பியுள்ளது குறிப்பிடத்தக்கது.