புதுடெல்லி: நாட்டின் எரிபொருள் தேவை கடந்த 2 ஆண்டில் இல்லாத அளவுக்கு கடந்த மாதம் 16.01 மில்லியன் டன்களாக சரிந்தது. கடந்த ஆண்டு செப்டம்பரில் இது 16.06 மில்லியன் டன்களாக இருந்தது. கடந்த 2017 ஜூலை மாதத்துக்கு பிறகு முதல் முறையாக இந்த அளவுக்கு எரிபொருள் தேவை குறைந்துள்ளது. வாகன விற்பனை மந்த நிலை இதற்கு முக்கிய காரணமாக கருதப்படுகிறது. அதிகம் பயன்படுத்தப்படும் டீசல் பயன்பாடு 3.2 சதவீதம் சரிந்து 5.8 மில்லியன் டன்களாக உள்ளது. டீசல், பெட்ரோல் இடையே விலை வித்தியாசம் குறைந்ததால் டீசல் வாகன விற்பனை கடும் பின்னடைவை சந்தித்துள்ளது.