திருமலை: எஸ்சி, எஸ்டி, பிசி, மைனாரிட்டி பிரிவை சேர்ந்த பெண்களுக்கு அரசு பதவிகளில் 50 சதவீதம் இடஒதுக்கீடு வழங்கும் மசோதா ஆந்திர சட்டப்பேரவையில் நிறைவேற்றப்பட்டது.ஆந்திர மாநில சட்டப்பேரவையில் முதல்வர் ஜெகன்மோகன் ரெட்டி தலைமையிலான அரசு எஸ்சி, எஸ்டி, பிசி, மைனாரிட்டி பிரிவை சேர்ந்த பெண்களுக்கு நேற்று அரசு சார்பில் நியமிக்கக் கூடிய நாமினேட்டட் பதவி மற்றும் அரசு சார்ந்த ஒப்பந்தப் பணிகளில் 50 சதவீதம் இட ஒதுக்கீடு அளிக்கும் மசோதாவை நிறைவேற்றியது.
இதுகுறித்து சட்டப்பேரவையில் மாநில தொழிற்சாலைகள் உள்கட்டமைப்பு வளர்ச்சிக்குழு தலைவரும் நகரி தொகுதி எம்எல்ஏவுமான நடிகை ரோஜா பேசியதாவது: சரித்திரத்தில் இடம் பெறக்கூடிய வகையில் பெண்களுக்கு முக்கியத்துவம் அளித்து முதல்வர் ஜெகன்மோகன் ரெட்டி தலைமையிலான அரசு முதல் கூட்டத்தொடரிலேயே 50 சதவீதம் பெண்களுக்கு இட ஒதுக்கீடு வழங்கி மசோதா நிறைவேற்றியுள்ளார்.