அஜ்மீர்: ஒரு நாளைக்கு குறைந்தபட்சம் 7 மணி நேரமாவது தூங்க வேண்டும் என்று போலீசாருக்கு ராஜஸ்தான் காவல்துறை அறிவுறுத்தியுள்ளது.ராஜஸ்தான் காவல் துறை நேற்று முன்தினம் வெளியிட்ட அறிக்கையில், ‘போலீசார் அனைவரும் ஒரு நாளைக்கு குறைந்தபட்சம் 7 மணி நேரமாவது தூங்க வேண்டும்’ என்று அறிவுறுத்தப்பட்டு உள்ளது. இது தொடர்பாக அஜ்மீர் ஐஜி சஞ்ஜிப் குமார் நர்சாரி கூறுகையில், “போலீசார் தற்போது நல்ல சம்பளம் பெறுகின்றனர். எனவே, அவர்கள் தவறான வழிகளில் சம்பாதிக்க வேண்டிய அவசியமில்லை. போலீசார் தங்கள் குழந்தைகளின் கல்வி, ஆரோக்கியமான வாழ்க்கையில் அக்கறை காட்ட வேண்டும்.

பணியாற்றும்போது மிகுந்த எச்சரிக்கையுடன் இருக்க வேண்டும். சரியான உணவு பழக்கத்தை வைத்து கொள்ள வேண்டும். தொடர்ந்து உடற்பயிற்சிகளை செய்ய வேண்டும். போலீசார் விடுப்பு கேட்கும்போது வழங்க வேண்டும். அப்போதுதான் நல்ல பணிச்சூழல் அமையும். போலீசார் அனைவரும் குறைந்தபட்சம் 7 மணி நேரமாவது தூங்க வேண்டும்” என்றார்.

பொருத்தமான வரன்கள் உங்கள் சமூகத்தில், பதிவு இலவசம்! - தமிழ் மேட்ரிமோனி