வேலூர்: தமிழகத்தில் பள்ளி மாணவர்களுக்கு வழங்கப்படும் இலவச பஸ் பாஸ் அச்சடிக்க காலதாமதம் ஏற்பட்டுள்ளதால் பழைய பஸ் பாஸை இம்மாத இறுதி வரை பயன்படுத்திக் கொள்ளலாம் என்று போக்குவரத்து கழக அதிகாரிகள் தெரிவித்தனர். தமிழகத்தில் உள்ள அரசு மற்றும் அரசு உதவி பெறும் பள்ளிகளில் மாணவர்களுக்கு பாடப்புத்தகங்கள், சீருடைகள் மற்றும் கற்றல் உபகரணங்கள் வழங்கப்படுகிறது. படிக்கும் மாணவர்கள் அரசு பஸ்சில் பயணம் செய்யும் வகையில் ஆண்டுதோறும் இலவச பஸ் பாஸ் வழங்கப்படுகிறது. இந்த ஆண்டு கடந்த ஜூன் 1ம் தேதி பள்ளிகள் திறக்கப்பட்டது. புதிய பஸ் பாஸ் வழங்கும் வரை மாணவர்கள் ஆகஸ்ட் 31ம் தேதி வரை பழைய பஸ் பாசை பயன்படுத்திக்கொள்ளலாம் என்று என்று அரசு அறிவித்தது. தமிழகத்தில் ஆகஸ்ட் 31ம் தேதிக்குள் 2.5 லட்சம் மாணவ, மாணவிகளுக்கு மட்டுமே இலவச பஸ் பாஸ் வழங்கப்பட்டுள்ளது. இன்னும் 80 சதவீதம் மாணவ, மாணவிகளுக்கு இலவச பஸ் பாஸ் வழங்கவில்லை. ஆனால் பள்ளிகள் திறந்து நான்கு மாதங்கள் முடிந்த நிலையிலும், ஏராளமான மாணவர்களுக்கு இதுவரை பஸ் பாஸ் கிடைக்கவில்லை என்ற குற்றச்சாட்டு எழுந்துள்ளது.
பள்ளி கல்வித்துறை அதிகாரிகளிடமிருந்து மாணவர்களின் முழு விவரங்கள் இலவச பஸ் பாஸ் வழங்குவதற்கான விண்ணப்பங்கள் போக்குவரத்து கழக அதிகாரிகளிடம் முழுவதும் சேரவில்லை. ஒரு சில பள்ளிகளில் இருந்து குறைந்த அளவிலான விண்ணப்பங்கள் மட்டுமே வந்துள்ளது.