புரூனஸ் அயர்ஸ்: அர்ஜென்டினாவில் நடைபெற்று வரும் இளையோர் ஒலிம்பிக் போட்டியில் ஆடவர் 5000 மீட்டர் நடை பந்தயத்தில் இந்திய வீரர் சுராஜ் பன்வார் வெள்ளிப்பதக்கம் வென்று புதிய சாதனை படைத்துள்ளார். அர்ஜென்டினாவின் புரூனஸ் அயர்ஸ் நகரில் இளையோர் ஒலிம்பிக் போட்டி நடைபெற்று வருகிறது. இதில் நேற்று நடைபெற்ற ஆடவருக்கான ஐந்தாயிரம் மீட்டர் நடை ஓட்டப்பந்தயத்தில் இந்தியா சார்பாக 18 வயதான சுராஜ் பன்வார் கலந்து கொண்டார். இப்போட்டியின் மொத்த தூரத்தை 40 நிமிடங்கள் 59.17 வினாடியில் கடந்து 2-வது இடம் பிடித்த இந்திய வீரர் சுராஜ் பன்வார் வெள்ளிப்பதக்கம் வென்றார்.